Все разделы
| Состояние | Хорошее |
| Автор | укл. Касько У. К. |
| Издательство | Мастацкая Літаратура |
| Год издания | 2009 |
| Переплет | Твердый переплет |
Вялікі энцыклапедычны фармат. Тыраж 3000 экз. Адну з найважнейшых старонак беларускага народнага эпасу складаюць легенды — невялікія фальклорныя або літаратурныя апавяданні, у аснове якіх ляжаць аповеды пра нейкую незвычайную падзею або гераічны ўчынак выдатнага чалавека. У гэты зборнік увайшлі малавядомыя шырокаму чытачу творы, дзе падаюцца старажытныя міфалагічныя ўяўленні пра паходжанне Сусвету, Зямлі, чалавека, раслін, жывёл, дзе чалавек рабіў спробы разабрацца ў прычынах розных захворванняў, выказваў адносіны простых людзей да Бога, святых і ix антыподаў — чарцей, ведзьмакоў.
У гэтай кнізе, якую ты ўзяў у рукі, дарагі чытач, змешчаныя найлепшыя беларускія легенды. Легенда — адзін з самых значных жанраў пісьменнасці на працягу ўсяго еўрапейскага сярэднявечча (пачынаючы з VI ст.). Гэтыя творы спачатку асвятлялі жыццё і незвычайныя ўчынкі святых, пазней легендамі сталі называць разнастайныя апавяданні рэлігійнага характару: аб жывёлах, раслінах, прадметах хрысціянскага культу. На працягу XIII—XV стагоддзяў у Еўропе з’явіліся шматлікія зборнікі хрысціянскіх легенд на лацінскай мове, у тым ліку знакамітая “Залатая легенда” Якапа з Варацца, перакладзеная на многія еўрапейскія мовы. У фальклоры легенда — вусны народны аповед, у аснове якога ляжаць цуд, фантастычны вобраз або ўяўленне, якія ўспрымаліся апавядальнікам і слухачом як сапраўдныя. Легенды — мастацкія творы, але дамінантай у іх з’яўляецца не эстэтычная, а пазнавальная функцыя. Сам тэрмін “легенда” ўзвышае гэты жанр, бо ў перакладзе з лацінскай “legenda” гучыць як “вартае прачытання”.
|
|
Похожие лоты
